डिलिवरी गर्ल (मराठी)

 शेजारीण काकू शिल्पाः काय हो आजोबा, तुमची सून डिलिवरी गर्लचे काम करते म्हणे?

आजोबाः हॅ. शक्यच नाही. श्रेयस ? मेघना ? जरा बाहेर या बरं.

(श्रेयस मेघना बाहेर येतात)

श्रेयसः काय झालं बाबा?

शिल्पाः विचारा आता. (मेघनाकडे बघत तोंड वेडावत चिडवत) डिलिवरी गर्ल. हं…

(श्रेयस शिल्पाकडे बघून दुर्लक्ष करून प्रमोदकडे बघत) प्रमोदः काय रे श्रेयस. तुझी बायको डिलिवरी गर्लचे काम करते? खरं आहे का? 

मेघनाः हो! मी डिलिवरी गर्लचे काम करते.

शिल्पाः बघाऽऽऽऽ (हात गोलाकार फिरवत चिडवत)

श्रेयसः ओऽ काकू. काय चाललंय?

सिद्धीः आई, डिली… डिली… म्हणजे काय गं?

देवांशः मला पण सांग ना.

प्रमोदः हे जेवण सामान घराघरात पोचवतात ना ते.

शिल्पाः बायांनी असं घरोघरी फिरायचं? लोकं थुंकतील तुमच्यावर…

प्रमोदः श्रेयस, अरे आपली इज्जत काय राहणार?

श्रेयसः कसली इज्जत? गल्लीबाहेर आपल्याला कोण तरी ओळखते का?

मेघनाः मला मुलांना खुप शिकवायचंय. ह्यांचा पगार पुरतो का आपल्याला?

श्रेयसः आणि काकू. तुम्ही कोण सांगणाऱ्या? माझी बायको काय पण काम करेल. सरळ चालू लागा…

(देवांश सिद्धी दोघे श्रेयस मेघनाला बिलगतात. शिल्पा नाक मुरडते आणि रागाने पाय आपटत बाहेर जाते)

#pramodwaghmare #actingpramod

(C) Pramod Waghmare 

मी कुठे हरवून गेले?

 लेखक प्रमोद वाघमारे

हॅालमध्ये पाच जणी उभ्या आहेत. गौरी, दिव्या, मेघना, स्वाती, शिल्पा या क्रमाने. मी आरामात खुर्चीत बसलोय.

(दोन पावलं पुढे येत) गौरीः बाबा, मी खेळायला जाऊ?

मीः नको. जा कपडे आवर. 

गौरीः पण दादा तर खेळतोय ना… (गौरी नाराज होत दोन पावलं मागे हटते)

(दोन पावलं पुढे येत) दिव्याः बाबा, मी स्कुल ट्रीपला महाबळेश्वरला जाऊ का?

मीः नको. तिथे थंडी असते.

दिव्याः पण दादा तर जातोय ट्रीपला… (दिव्या नाराज होत दोन पावलं मागे हटते)

(दोन पावलं पुढे येत) मेघनाः मी मुंबईला पुढचं शिक्षण घेऊ?

मीः कशाला? तुझं लग्न ठरवतोय आम्ही.

मेघनाः पण मला खुप शिकायचंय… ( मेघना नाराज होत दोन पावलं मागे हटते)

(दोन पावलं पुढे येत) स्वातीः अहो, मी नोकरी करू का?

मीः नको. मग घर कोण सांभाळणार?

स्वातीः पण मला पण मोठं व्हायचंय… (स्वाती नाराज होत दोन पावलं मागे हटते)

(दोन पावलं पुढे येत) शिल्पाः अहो, आपण कुठे महिनाभर फिरून येऊ का?

मीः नको. मग नातवंडांना कोण सांभाळणार?

(प्रेक्षकांकडे बघत) शिल्पाः बहिण, मुलगी, पत्नी, आई, आजीची कर्तव्ये पार पाडता पाडता, मी कुठे हरवून गेले? काय माहित? 

(निराशेचे जमिनीकडे बघते)

#pramodwaghmare #actingbypramod 

(C) Pramod Waghmare

कॅान्फरन्स (मराठी)

 (केबिन मध्ये येत) 

तीः सर सर्व स्टाफ गेला. मी जाऊ?

बॉसः ओह, ठीक आहे. तू जा.

ती वळून परत फिरताच. 

बॅासः ऐक ना.. (ती बॅासकडे फिरून बघते) नेक्स्ट वीक आपली दिल्लीला आपली कॅान्फरन्स आहे.

तीः कधी?

बॅासः फ्राय डे टू संडे. आपण दोघे जाऊन येऊ.

तीः सर मला नाही जमणार. 

बॅासः का?

तीः मी कधी बाहेरगावी गेली नाही आणि तुमच्या बरोबर..

बॅासः वॅाट? काय बोलतेय तू?

तीः आय डोन्ट फील कंफर्टेबल… सॅारी सर…

बॅासः कम्मॅान.. कुठल्या जगात वावरतेस तू? इटस् नॅार्मल…

तीः नाही सर. प्लीज…

बॅासः ओके मी एम्प्लॅाईज लीस्ट सांगितली होती. केलीय?

तीः हो पाठवते मेल. 

बॅासः प्रमोशन्स द्यायचेत. तू पण डिजर्विंग होतीस…

तीः म्हणजे काय? आर यू सजेस्टिंग मी समथिंग?

बॅासः काय?

तीः प्रमोशन्स आणि कॅान्फरन्स ट्रीप. यांचा काय संबंध आहे का?

बॅासः नॅाट ॲट ॲाल. तू लहान नाहीस. गुड नाईट. मेल कर मला.

#pramodwaghmare #actingbypramod

(C) Pramod Waghmare