सत्य काय असतं? तुम्हाला जे माहित असतं; ज्याचा तुम्ही विचार करता; तुम्हाला जे दाखवलं जातं तेच सत्य असतं का?
कधीतरी एक गोष्ट वाचली होती. सत्य आणि आपला दृष्टिकोन perspective कसा असतो ते अतिशय सोप्या पद्धतीने शिकवणारी हीगोष्ट.
एका हत्ती आणि पाच आंधळ्यांची. एकदा पाच आंधळे हत्ती बघायला गेले.
एकाने हत्तीच्या सोंडेला हात लावला. तर त्याला वाटलं की हत्ती सोंडेसारखा असतो. दुसऱ्याने हत्तीच्या पायांना स्पर्श केला तर त्यालावाटलं की हत्ती पायांसारखा आहे. तिसऱ्याने कानांना हात लावला, चौथ्याने दातांनाआणि पाचव्याने शेपटीला हात लावला.
थोड्या वेळाने कोणी त्यांना विचारले की हत्ती कसा होता; तर प्रत्येक आंधळ्याने त्याने जसं अनुभवलं तसंच हत्तीचं वर्णन केलं आणिथोड्या वेळातच पाचही जण एकमेकांशी भांडू लागले की त्यांनाच माहिती आहे की हत्ती कसा असतो.
ते सर्व आपल्या जागी बरोबर होते, कारण त्यांनी जे अनुभवलं तेच त्यांच्यासाठी सत्य होतं.
सत्य पण हत्तीसारखंच असतं. विशाल. आपल्या डोळ्यांवर पट्ट्या असतात. कधी प्रेमाची, कधी मैत्रीची, कधी कपटीपणाची, कधीलालचीपणाची, कधी विचारांची विचारधारांची. कधी कोणी आपल्या डोळ्यांवर पट्टी बांधलेली असते.
या पट्ट्यांमुळे एका छोट्याशा अंगालाच आपण पूर्ण खरे सत्य मानतो. पण सत्य खुप मोठं असतं.
पूर्ण सत्य समजण्यासाठी आपल्याला या पट्ट्या खोलाव्या लागतील; ज्या आपल्याला पूर्ण सत्य समजण्यात बाधा उत्पन्न करतात. तेव्हाच आपला दृष्टीकोन बदलेल. तेव्हाच आपण पाहू शकू पूर्ण सत्य.
आपले अभिप्राय जरूर लिहा 🙏🙏🙏
प्रमोद वाघमारे Pramod Waghmare
https://www.facebook.com/pramodplanet/
#simple #pramodwaghmare
https://youtube.com/channel/UC6D3rune6wO6GQV9QMLT-vg
(C) Pramod Waghmare
