एकदा एका शेतकऱ्याने बाजारातून एक बकरी विकत घेतली आणि तिला खांद्यावर घेऊन तो शेतांमधून चालत चालत आपल्या घरीनिघाला. तेवढ्यात तीन चोरांची त्याच्यावर नजर पडली. बकरी चोरण्यासाठी त्यांनी एक शक्कल लढवली.
पहिल्यांदा पहिला चोर शेतकऱ्याकडे गेला आणि बोलला, “अरे तुम्ही तर फार दयाळू आहात. या कुत्र्याला खांद्यावर घेऊन चाल्लात.” शेतकऱ्याने त्याचे बोलणं हसण्यावारी नेलं.
थोड्या वेळाने दुसरा चोर शेतकऱ्याजवळ आला आणि त्याने शेतकऱ्याला विचारले, “या कुत्र्याला तुम्ही खांद्यावर का घेऊन चाललाआहात?” शेतकऱ्याच्या मनात शंकेची पास चुकचुकली.
थोड्या वेळाने तिसरा चोर त्याला भेटला, “ हा कुत्रा आजारी आहे का? तुम्ही याला खांद्यावर उचलून का घेऊन जात आहात?” आता मात्रशेतकरी घाबरला. काही तरी गडबड आहे. या कुत्र्याने नक्कीच बकरीचं रूप घेतलंय. असा विचार करून त्याने बकरीला तिथेच टाकलीआणि धावतच तो घरी परत गेला. आणि अशा प्रकारे त्या तिन्ही चोरांनी अतिशय चलाखीने बकरी चोरली.
आपल्या आजूबाजूला देखील असेच बकरी चोर आढळतात. आपल्या फायद्यासाठी आपल्याला फसवणारे, आपल्याला भटकवणारे. कधी ते आपल्या बाॅसची निंदा करतात, कधी कामाला नावे ठेवतात, कधी आपल्याला चुकीचे सल्ले देतात, कधी आपल्या मित्रांबद्दलखोटनाटं सांगतात. शेवटी आपला स्वत:वरचा आत्मविश्वासच आपल्याला सफलता देतो.
आपले अभिप्राय जरूर लिहा 🙏🙏🙏
प्रमोद वाघमारे Pramod Waghmare
#pramodplanet
