एक महिना झाला ती माझ्या डिव्हिजनला बदली होऊन आली होती आणि ती आल्या पासून माझ्या मनात वेडेवाकडे विचार चालू झाले.
आता कंपनीत मी चांगली पोझिशन कमवली होती. गरिबीतून येऊनही गेली २० वर्षे कष्टाने मी इथपर्यंत पोहोचलो होतो. माझं कंपनीतमोठं नाव होतं. एक नवीन मुलगी मला मिळत नाही या विचाराने माझा अहंकार दुखावला जात होता.
मी बरेच प्रयत्न केले. कधी केबिन मध्ये बोलावून, कधी हाॅटेलमध्ये डिनरचं इन्व्हिटेशन देऊन, कधी मुद्दाम जास्त काम देऊन. मी कंपनीततिचं चांगलंही करू शकतो आणि वाईटही करू शकतो; हे तिला कळत नव्हतं का? पण ती नेहमी हसत, अतिशय संयमाने, आदराने मलानकार देत होती. त्यामुळे माझा राग आता अनावर होऊ पहात होता. कोण ती किरकोळ मुलगी आणि मला नाही म्हणते? मी डिस्टर्ब होऊलागलो. घरी बायकोने पण मला विचारले. मी तिला टाळले.
आज मात्र तिने मला रात्री घरी जेवायला बोलावले. मी रात्री तिच्या घरी गेलो.
“वेलकम सर.” हसत तिने माझं स्वागत केलं. मी सोफ्यावर बसलो तशी ती म्हणाली,” सर, एक सरप्राईज आहे. तुम्हाला कोणाशी भेटघालून द्यायची होती.” आणि तिने हाक मारली,” काका, सर आलेत.”
त्याबरोबर दरवाजातून एक वयस्कर जोडपं बाहेर आलं. त्यांना बघून माझ्या हातातला पाण्याचा ग्लास मी झटकन खाली ठेवला. मलाकाॅलेजसाठी त्या वेळी पैसे नव्हते तेव्हा त्या दोघांनी खुप प्रेमाने माझ्या काॅलेजचा खर्च उचलला होता. मी जे शिक्षण करू शकलो तेफक्त आणि फक्त त्यांच्यामुळेच. मी नंतर कधीच त्यांना भेटलो नव्हतो.
मी झटकन दोघांच्या पाया पडण्यासाठी वाकलो. तिचे शब्द माझ्या कानावर पडत होते,” सर, काकांनी नेहमी तुमच्या चांगल्या गोष्टीमला सांगितल्या. कसं गरिबीतून कष्टाने तुम्ही एवढे मोठे झालात मला नेहमी सांगत. तुम्ही माझे रोल माॅडेल आहात सर.”
ती बोलत होती आणि मला समजत होतं की सत्ता आणि पैशाबरोबर मी किती मोठा सैतान झालो आहे ते. माझ्या अश्रुंनी त्यांचे पायओले झाले. त्या दोघांनी मला वर उचललं आणि आपल्या मिठीत घेतलं...
आपले अभिप्राय जरूर लिहा 🙏🙏🙏
प्रमोद वाघमारे Pramod Waghmare
#pramodplanet #pramodwaghmare #MeToo #metoo
